Femrat shqiptare kanë qenë viktima të shoqërisë prej një kohë shumë të gjatë, nisur këtu që nga paragjykimet, por edhe objektivizimit që iu bëhet nga meshkujt.
Vajzat, por madje edhe zonjat janë kthyer në viktima të maniakëve të autobusëve, apo edhe atyre që qëndrojnë rëndom në cepa dhe u ngjiten pas apo u hedhin edhe ndonjë fjalë sapo i shohin.
Meshkujt i ka krijuar natyra, por burrat janë të paktë… Të paktën kjo shprehje i shkon për shtat një pjese të mirë degraduese të meshkujve shqiptarë.
Tek kjo kategori bëjnë pjesë ata të cekëtit seksualisht, të cilët nuk mendojnë se kanë lindur nga një femër, kanë për motër një të tillë apo do të lidhin jetën me një të tillë…
Femrat kanë nevojë për përkujdesje dhe respekt dhe jo të kthehen në përmbushëse të akteve seksuale të maniakëve në autobusë.
Një skenë e rëndë mendohet se ka ndodhur disa ditë më parë në një prej linjave urbane të kryeqytetit.
Protagoniste është një zonjë e cila është ngacmuar seksualisht nga një maniak, i cili sipas atyre që dëgjohet që ajo të thotë në video, ai e ka ngacmuar nga pas.
Zonja nuk ia përton dhe shpërthen ndaj tij në të shara, ndërkohë që ai tallet…
Askush nuk i del krah dhe ta denoncojë pranë autoriteteve përkatëse, kështu që edhe njëherë femrat mbeten qenie të pambrojtura në publik…
Sot ishte kjo zonjë që shohim në video e cila i ka treguar vendin, po sikur nesër të ishte një e afërmja juaj e cila nuk do kishte guximin të ngrinte zërin në këtë mënyrë?/Joq/
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
