Edhe pse qytetarët kanë kërkuar takim me të, Erion Veliaj ka vendosur t’iu kthejë përgjigje nëpërmjet një konferencë për shtyp nga ambjentet e Bashkisë.
Veliaj është i vendosur për planin e Unazës së Re dhe për këtë gjë shprehet se nuk ka shans ta ndryshojë në vijim.
” Njerëzit thonë: kur të zhbllokohet rrethrrotullimi tek Shqiponja, atëherë do marrë frymë Tirana. Po çfarë, do mbetemi në ‘epokën e gurit’? pse, se disa njerëz që kanë zaptuar aty nuk pranojnë kompensimin që po u japim? S’ka shans!, tha Veliaj.
Nga ana tjetër, duke iu referuar banorëve të cilët gjatë protestave kërkonin dëmshpërblim, Veliaj ka dhe për këtë gjë një përgjigje:
Kush është me letra pronë do i marri lekët kokërr më kokërr, kush ka bërë lavazh i ra qylit 28 vjet tani do bëhet rruga. Kush ka bërë karabina 8 kate dhe të ketë letra, do ia japim. Ca është pa letra prapë, 99% e qytetarëve do u japim bonusin e qirasë, pse cdo njeri që erdhi në tiranë kapi një tokë? Jo mo, si gjithë të tjerët”, u shpreh Veliaj, i cili më pas filloi me akuza ndaj Partisë Demokratike.
Kryebashkiaku e cilësoi PD si parti shpellare e cila përdor qytetarët që protestojnë.
https://www.facebook.com/Ora.News.RTV/videos/480042022486231/
