Policia ka goditur një tjetër rast të trafikimit të armëve dhe municioneve luftarake. Forca e Ligjit në territor godet në Durrës, ku janë sekuestruar armë dhe municione luftarake dhe janë arrestuar dy persona.
Njoftimi i policisë
Është finalizuar me sukses operacioni i koduar “Guns 18”.
Arrestohen në flagrancë dy shtetas.
Specialistët kundër Krimit të Organizuar në DVP Durrës në bashkëpunim me Forcat Operacionale, pas një hetimi 2 mujor kanë goditur një rast trafikimi të armëve dhe municioneve luftarake.
Janë arrestuar shtetasit:
• K. M., 18 vjeç, banues në Durrës;
• R. H., 22 vjeç, banues në Durrës.
Më datë 12.11.2018, shtetasit e mësipërm, në lagjen nr.16 janë kapur në flagrancë në mjetin tip ‘Benz’ ku gjatë kontrollit iu gjetën dhe sekuestruan në cilësinë e provave materiale
• dy armë zjarri automatik model 56, kalibër 7.62 mm
• një pistoletë tip “Blou” Mini;
• 2 krehra, 25 fishekë;
• një përdorues grushti.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Trafikimi i armëve dhe municioneve” në bashkëpunim parashikuar në nenin 278/a/2 të Kodit Penal.
https://www.facebook.com/1502420603377639/videos/1418237898310743/
