Banorët e zonës së ‘Astirit’ në Tiranë, kanë disa ditë që protestojnë për të mos lejuar shkatërrimin e shtëpive të tyre, pasi do të shemben për ndërtimin e “Unazës së Madhe”.
Lidhur me këtë shqetësim, ata i kanë dërguar një peticion kryeministrit Edi Rama, kryebashkiakut Erion Veliaj si dhe presidentit Ilir Meta.
Në këtë letër drejtuar krerëve më të lartë të shtetit, qytetarët janë pro projektit të Unazës së Re, po të mos lihen në mes të katër rrugëve, pa u dëmshpërblyer. Dëmshpërblimi që ata kërkojnë është të jetë 100% me vlerën e tanishme të tregut.
Më tej banorët kerkojnë që të dëmshpërblehen në mënyrë të barabartë si ata që kanë legalizuar dhe si ato që nuk kanë legalizuar.
