Banorët e Astirit zhvendosën protestën e tyre në ambjentet e Bashkisë, nga ku i bënë thirrje Erion Veliajt të zhvillojë një takim ku të merren parasysh të drejtat e tyre.
Situata është përshkallëuzuar, sa disa prej tyre filluan të gjuanin me vezë në derën kryesore të hyrjes në Bashki, në momentin që dyert u mbyllën dhe Veliaj nuk doli.
Disa prej protestuesve mbanin në dorë pankarta ku shkruanin: “Shqiponjën e hoqe ne nuk na heq dot”, “Lali Eri ky je fshehur?”, “Shtëpitë tona do ti mbrojmë me duart tanë”, “Dy duar për një kokë” si dhe “S’kemi frikë nga presioni i qeverisë””.
Qytetarët shprehen të indinjuar pasi shtëpitë e tyre i kanë me legalizim.
”Kemi të drejta themelore. Familja, shtëpia. Ai thotë dilni në rrugë. Dhe tallet për duke na thënë që do të na japë qera për një 1 vit. 1 vit me qera, këto shkërdhata mbajnë dashnoret. Aty vetëm dy korsi do të ndërtohen. I pari që do të më prishë shtëpinë mua, do të jetë në gjak me mua. I kam me legalizim me të gjitha.”- u shpreh i indinjuar një qytetar.
Nga ana tjetër dhe deputetët e opozitës ishin prezentë në protestë, ku vazhdojnë të mbështetin qytetarët.
Deputeti Klevis Balliu i ka bërë thirrje qeverisë se situata mund të përshkallëzohet nëse nuk dëgjon kërkesën vetme të banorëve, dëmshpërblimin e banesave me vlerën e tregut.
“Qeveria të hapë veshët mirë. Sot kishte vezë, qytetarët nuk dihet çfarë sjellin nesër dhe pasnesër, por të kompensohen cen më cen për pronat e tyre. Situata mund të përshkallëzohet. Ky popull që paguan për karriget e tyre, sot meriton të marrë përgjigje pse ky shtet u shkatërron shtëpitë, ” u shpreh ai.
https://www.facebook.com/partiademokratike/videos/963934757128996/?notif_id=1542015671076792¬if_t=live_video
