Një i moshuar ka marrë plagë të rënda teksa përpiqej të shuante zjarrin që kishte përfshirë banesën e tij.
Ngjarja ka ndodhur në fshatin Katundi i Ri në Elbasan, në banesën e shtetasit me iniciale I.L., 77 vjeç.
Në vendin e ngjarjes kanë shkuar shërbimet e policisë dhe zjarrfikësja, ku kanë bërë të mundur shuarjen e zjarrit.
Sipas njoftimit të policisë, si pasojë e zjarrit në përpjekje për ta shuar, shtetasi I.L., është lënduar lehtë dhe u dërgua për mjekim në Spitalin e Elbasanit.
Grupi hetimor po punon për zbardhjen e plotë të shkakut të zjarrit, ku nga hetime paraprake dyshohet se zjarri ka ardhur si pasojë e shpërthimit e bombolës së gazit.
