Kryetari i PD Lulzim Basha, i ftuar në “360gradë” deklaroi se emërimi i Sandër Lleshit në postin e zv/Ministrit të Brendshëm, tregon se ministria e Brendshme, sot është e gjitha në dorë të Edi Ramës.
Sipas tij Lleshi është një figurë e padenjë dhe nuk garanton siguri në luftën kundër krimit dhe drogës, pasi ai vjen në këtë post si vartës i Edi ramës.
‘Në kuptimin politik kjo që po ndodh ëhstë rënia e ministrisë së Brendshme nën kontrollin e Edi Ramës, për të mbrojtur veten e tij. Skandali i ministrit të larguar Xhafaj ku përfshi vëllai i tij, hetimi ju la në dorë punonjësve të ministrisë së Brendshme. Në këto 5 vite të Edi Ramës ministria e brendshme dhe policia nuk e kanë luftuar krimin. Dërgimi i një vartësi i cili për 5 vite ka qenë këshilltar për çështjet e sigurisë dhe nuk ka mbajtur asnjë qëndrim publik kur fikeshin radarët dhe kalonte droga. E vetmja garanci që jep është se do të jetë një vartës edhe më i bindur ndaj Ramës’, deklaroi Basha.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
