Një 16-vjeçar shqiptar është kapur nga policia pas 1 muaj në kërkim për një vrasje në Francë.
16-vjeçari shqiptar akuzohet se ka vrarë një të ri afrikan. Sipas mediave franceze, vrasja ka ndodhur në 22 shtator në Place de Jaude, në Clermont-Ferrand të Francës.
Shqiptari ishte arratisur nga vendi, duke shkuar në Gjermani, aty ku dhe policia e ka arrestuar mbrëmjen e së martës.
Përsa përket ngjarjes, gazetat vendase shkruajnë se ka patur një konflikt mes katër të të rinjve, i cili përfundoi me vrasjen e njërit prej tyre.
Autoritetet ligjvenëse në Francë, bëjnë me dije se për vrasjen e afrikanit, shqiptari ka përdorur një thikë.
Frika se mos afrikani kishte ndërruar jetë, ka bërë 16-vjeçarin të largohej dhe më pas vdekja e tij detyroi atë të arratisej.
Prokuroria franceze lëshoi një urdhër-arresti europian,derisa ai u kap në Gjermani. Sipas mediave franceze, ekstradimi i tij mund të zgjasë deri në 60 ditë.
