Ditën e sotme banorët e Unazës së Re dolën sërish në protesta, të cilat u shoqëruan dhe me incidente, pas bllokimit të qarkullimit të automjeteve nga barrikada që banorët kishin krijuar.
Gjithashtu, policia shoqëroi dhe një prej protestuesve në ambjentet e komisariatit. Deputeti demokrat, Klevis Balliu, duke qenë se opozita ishte prezente në protestë, ka publikuar në rrjetet sociale, videon me momentet e arrestimit.
Balliu jep detajet lidhur me emrin e tij.
Ndërkohë që një banore e “Astirit” ka zbuluar se një nga arsyet e mundshme të arrestimit të tij, është pritja e kreut të PD-së, Lulzim Basha në lokalin e tij.
“Në lidhje me akuzën qe bëjnë ato s’besoj se ka lidhje fare ka qenë për qellimin e djeshëm që Basha u prit te lokali ktij dhe nrm s’kan pas si me reagu dje kan gjet një motiv sot !! Spiunat ishin përballë gjithë kohës e po filmonin !!”, shkruan një banore për Fax News.
Postimi i plotë
E PATOLERUESHME SJELLJA BANDITESKE E POLICISË KUNDËR QYTETARËVE
Policia që i shërben interesave klienteliste prangos qytetarët që protestojnë tek njësia 6. Dorian Protoduari është arrestuar nga kjo polici bandite, e cila po ju bën presion direkt qytetarëve.
I bëj thirrje Policisë që ta lirojë urgjentisht ose do të ketë përgjegjësi të madhe.
https://www.facebook.com/klevisballiufaqjazyrtare/videos/1065074047030499/?t=34
