Partia Demokratike vijon sërish të këmbëngulë për arrestimin e Vangjush Dakos. Në një deklaratë për mediat, deputetja Albana Vokshi listoi dhe disa nga faktet se pse dosja 339 është provë e sigurtë për arrestimin e Dakos.
Nga ana tjetër, Vokshi deklaroi se është Edi Rama ai që po e mban te kyçur në sirtarët e Prokurorisë provën që çon në burg Vangjush Dakon si autor i masakrës elektorale në qarkun e Durrësit, në bashkëpunim me bandat.
Vonesa e arrestimit, sipas saj, është prova që ai po manipulon dëshmitarët, i ndihmuar plotësisht nga kryeministri i vendit Edi Rama.
Dosja “339” vërteton pa asnjë dyshim më :
- Se zgjedhjet e 2017-ës u blenë bashkë me krimin,
- 10-15 deputetë u blenë nga krimi,
- Se ky Parlament është i paligjshëm dhe
- Se Edi Rama është një kryeninistër i paligjshëm dhe provat për këtë Prokuroria i ka në dosjen “339”!
Vokshi u shpreh se në Shqipëri nuk ka për të patur as drejtësi, as luftë kundër krimit dhe asnjë zhvillim normal pa u ndëshkuar krimi elektoral që mban në pushtet qeverinë ilegjitime të Edi Ramës.
https://www.facebook.com/partiademokratike/videos/255867351954297/?t=0
