Provat që ish-ministri Tahiri i quante decizive mesa duket janë marrë në shqyrtim nga Prokuroria shqiptare.
Prokuroria e Krimeve të Renda ka vendosur të administrojë si provë vendimin e gjykatës së Katanias e cila pushoi hetimet ndaj ish ministrit Samir Tahiri duke e nxjerrë të pafajshëm në lidhje me dosjen ‘Habilaj.
Vendimi i Gjykatës së Katanias është administruar në dosje dhe po shqyrtohet së bashku me provat e tjera. Ishte vetë Saimir Tahiri ai i cili e depozitoi vendimin e gjykatës së Katanias në Prokurorinë e Krimeve të Rënda.
Ish-ministri i qeverisë Rama akuzohet për trafik ndërkombëtar të lëndëve narkotike, korrupsion dhe shpërdorim detyre.
Nga hetimet e kryera deri më tani, ish ministri Tahiri dyshohet se i ka krijuar lehtësira grupit të Habilajve, për kultivimin dhe më pas trafikimin e kanabisit drejt Italisë.
