Buxheti i Ministrisë së Brendshme për vitin e ardhëm 2019 është rritur me vetëm 1%. E thënë ndryshe, për këtë ministri janë dhënë 210 milionë dollarë për vitin tjetër, duke qenë një nga dikasteret që merr më shumë para nga buxheti i shtetit.
Gjatë mbledhjes së sotme të Komisionit për Sigurinë Kombëtare, kanë qenë deputetë të opozitës të cilët kanë ngritur një shqetësim në lidhje me policinë në Cërrik apo Selenicë, ku ndodhi edhe ngjarja me 8 të vrarë nga Ridvan Zykaj.
Sipas deputetëve, në komisariatet e këtyre qyteteve, policia ka në dispozicion nga vetëm një makinë, ndërkohë që hasin shumë vështirësi pasi shumë makina të tjera janë jofunksionale.
