Pronari i klubit italian të futbollit ”Darfo” është në vënë në prangat e policisë pasi u zbulua se ishte pjesë e një grupi kriminal.
Policia Italiane ka realizuar një operacion të gjërë ku ka bërë të mundur arrestimin e 22 personave të përbërë nga shqiptarë dhe italianë, si pjesë e një organizate kriminale ku veprimtari e tyre ishte prodhimi dhe trafikimi i lëndëve narkotike.
Midis shqiptarëve të arrestuar është edhe shtetasi Gëzim Sallaku, President i klubit italian të futbollit “Darfo” që luan në kategorinë D në Itali.
Sipas autoriteteve italiane Sallaku falsifikonte dokumentet e qarkullimit, në mënyrë që automjetet të lejoheshin të transportoheshin nga Marseja në Afrikën e Veriut, përkatësisht në Libi.
Në urdhër thuhet se ai ishte gjithashtu në gjendje për të ndërtuar lidhje me stafin aktual të portit të Barit. Në shtëpinë e tij u gjetën tre armë zjarri pa leje përkatëse si dhe një sasi municioni. Ato mbaheshin të fshehura në një hendek në garazhin e vilës së tij.
Gjatë operacinit të Policisë Italiane u zbulua gjithashtu edhe një laborator droge në zonën e Bergamos. Veprimtaria e tyre kriminale shtrihej kryesisht në zonën e Bergamos dhe Parmas.
