Rozana Radi është një nga ato personazhe të cilët përpiqen t’ia dalin vetë në jetë.
Ajo është rritur pa nënën dhe babain e saj dhe shpeshherë këngëtarja e ka treguar sesa shumë ua ndjen mungesën të dyve.
Moderatorja e emisionit investigativ BOOM, është bërë pjesë e komunikimit interaktiv përmes opsionit ‘Pyetje dhe Përgjigje në Instagram’. Dikush nga ndjekësit e saj e ka pyetur se me kë jeton.
Përgjigja e Rozanës është me të vërtetë prekëse e cila të bën të reflektosh dhe vlerësosh prezencën e prindërve në jetën e gjithësecilit.
”Jetoj me mungesën e madhe të dy prindërve të mi. Për fat nuk kam mundësi t’ia puth dorën nënës dhe t’i them faleminderit babait për shkollën e mirësisë që më dha” ka qenë përgjigja e Rozanës.
