Makina e ish shefit të policisë të burgut të Drenovës është djegur gjatë ditës së sotme.
Mësohet se mjeti i Adriatik Parisit ndodhej i parkuar në garazhin e shtëpisë kur u përfshi nga flakët.
Zjarrin dyshohet se e ka shkaktuar një masë në sistemin elektrik ndaj mendohet fillimisht se zjarri është aksidental.
Po punohet për të zbardhur rrethanat e këtij incidenti, ndërsa ende nuk dihet nëse kjo mund të lidhet edhe me pozicionin e mëparshëm që ai mbante si shef i policisë.
Kujtojmë se më herët Parisi u pezullua nga detyra dy muaj më parë për shkelje të kompetencave. Ndaj Parisit ishte marrë një masë disiplinore dhe hetimi u thellua deri në urdhërimin e largimit të tij nga detyra.
Drejtoria e Përgjithshme e Burgjeve ka komanduar Kamber Hoxhën Shefi i ri i Policisë së burgjeve në Burgun e Drenovës, në vend të Parisit.
