Në një situatë të tensionuar lidhur me emërimin e një kandidati të mundshëm në krye të Ministrisë së Brendshme, ambasadori i BE në Shqipëri sjell në vemendje faktin se duhet që ministria të funksionoje sërish.
Ambasadori i BE në vendin tonë, Luigi Soreca ka deklaruar se duhet të ketë një ministri të Brendshme funksionale.
Në një reagim në rrjetet sociale, ambasadori shkruan se dhe pse janë marrë masa për t goditur grupet kriminale, duhet ende të vijojë puna dhe jo të ndërpritet.
“Kohët e fundit janë marrë operacione të rëndësishme kundër krimit të organizuar”, u shpreh ambasadori Soreca, ndërsa theksoi se duhet të vijojë lufta kundër krimit të organizuar.
“Muajt e fundit Policia e Shtetit ka ndërmarrë operacione të rëndësishme #policore kundër krimit të organizuar. Një Ministri e Brendshme plotësisht funksionale, në gjendje të vazhdojë të luftojë me forcë kundër #krimittëorganizuar është thelbësore për Shqipërinë në rrugën e saj drejt BE-së”, shkruan ambasadori i BE.
