Drejtori i Përgjithshëm i Policisë së Shtetit Ardi Veliu ka pritur një delegacion të Policisë greke në Tiranë.
Sipas njoftimit të policisë së shtetit, bëhet me dije vetëm se gjatë takimit, përfaqësuesit e dy policive shkëmbyen informacion mbi operacionin ku mbeti i vrarë shtetasi Kostandinas Katsifas.
Ekipi grek do qëndrojë në Tiranë deri në mbyllje të hetimit. Më herët u njoftua se oficerë të policisë greke ishin informuar në Tiranë prej homologëve të tyre shqiptarë mbi “pika të rëndësishme” të operacionit që çoi në vdekjen e shtetasit Kostandinos Katsifas.
Agjencia shtonte se pala greke është në pritje të raportit nga prokuroria e krimeve të rënda, bashkë me të gjitha provat përkatëse.
Duke iu referua sërish burimeve diplomatike, agjencia nënvizon se Greqia konsideron të domosdoshme përmbushjen e menjëhershme të kërkesës së familjes për marrjen e trupit dhe kryerjen e varrimit, “kërkesë që në asnjë rast nuk ndikon të drejtat proceduriale, siç ato parashikohen nga legjislacioni shqiptar”.
Ditën e djeshme, babai i Katsifasit u paraqit në Prokurorinë e Krimeve të Rënda për të dhënë dëshminë e tij dhe për t’iu qëndurar deklaratave të tij se kërkon zbardhjen e vrasjes. Nga ana tjetër, familjarët kanë kërkuar trupin e 35-vjaçerit dhe bëjnë thirrje që kjo ngjarje të mos përdoret për politikë.
