Një ngjarje e rëndë ka ndodhur në Fier.
Mësohet se një i moshuar i ka dhënë fund jetës.
Sipas të dhënave zyrtare sot rreth orës 08:20, në lagjen “Sheq i Madh”, Fier, dyshohet se shtetasi Rushti Fejzullai, 93 vjeç, ka goditur veten me thikë në banesën e vajzës së tij.
93-vjeçari ka ndërruar jetë në Spitalin Rajonal Fier.Sipas informacioneve, i moshuari e ka goditur veten një herë me thikë në qafë në prani edhe të personave të tjerë në banesë.
Grupi hetimor ndodhet në vendngjarje dhe po punon për zbardhjen e plotë të saj.
