Lideri i Partisë Demokratike ka folur për Sandër Lleshin, i cili është kandidati për të zenë postin e ministrit të Brendshëm, pas dorëheqjes së Xhafës.
I ftuar në Zonë e lirë, Basha u shpreh se dhe pse nuk ka rrënjë politike dhe personalitet politik, që nuk vjen nga politika, sërish ai është një vartës i Ramës dhe kjo gjë nuk do të ndryshojë gjë dhe nëse ai emërohet.
Basha thotë se situata me emërimet dhe shkarkimet e ministrave deri tani, tregon se Ministria e Brendshme është e kapur nga Edi Rama.
Ndërkohë, përsa i përket largimit të Xhafës, Basha u shpreh se ishte Rama ai që e largoi. Sipas Bashës, përpjekja e Ramës për të mbrojtur Dakon e ka çuar të kërcënojë Xhafën me një tjetër dosje.
‘Fatmir Xhafa nuk ishte në kontrollin e Ramës, 100%. Është prish pazari i hajdutëve”, u shpreh Basha.
