Policia e Lushnjes ka goditur një grup, të cilët shpërndanon droga të forta në qytet.
Në kuadër të operacionit të koduar “Louse” në pranga u vunë tre persona Ervis Çoku 34 vjeç, Erjon Çoku 39 vjeç dhe Ervin Kiptiu 38 vjeç të tre banues në Lushnje.
“Gjatë kontrolleve të ushtruara në ambjentet e frekuentuara nga personat e lartëpërmendur janë gjetur dhe sekuestruar:
•30 doza me lëndë narkotike e dyshuar Heroinë
•Një sasi lëndë narkotike e dyshuar Cannabis Sativa.
•Një armë zjarri e tipit pistoletë zastava
•Një krëhër me 8 copë fishekë”, sqaron policia në njoftimin zyrtar.
Për të tre shtetasit e arrestuar, Gjykata e Shkallës së Parë Lushnje ka caktuar masën e sigurisë “Arrest me burg” për veprën penale “Prodhimi dhe shitja e narkotikëve” e kryer në bashkëpunim, parashikuar nga Neni 283/2 i Kodit Penal.
Po vijohet me veprimet e mëtejshme hetimore me qëllim dokumentimin e plotë të kësaj veprimtarie kriminale si dhe bashkëpuntorëve të tjerë të perfshirë.
