Në intervistën e fundit, Elisa Spiropali nuk e ka mohuar se i mungon opozita, ndonëse është shprehur mes notash humori.
Deputetja e ftuar në KAFEIN u pyet rreth aktualitetit politik dhe nuk ngurroi të bënte disa deklarata të cilat zbulonin se Spiropali dëshiron të ketë në Kuvend anëtarët e opozitës.
”Na ka marrë malli për kreun e Partisë Demokratike Lulzim Bashën, të gjithëve ne, për fjalimet e tij ‘kripë e piper’, gjithë frymëzim, gjithë forcë në atë Kuvend.
Na ka marrë malli edhe për liderin legjendar të opozitës se sjellja e tij aq gjentile, i cili nuk fyen e nuk shan asnjëherë, është një inspirim për baballarë të tjerë të kombit, mall edhe për të tjerë personazhe që nuk po i sjell këtu. Për t’i patur sërish në atë mejdan, jemi të gatshëm të bëjmë gjithçka, të ulemi në tryezë, tu japim reformën zgjedhore që duan”, u shpreh Spiropali.
https://www.facebook.com/intvalbania/videos/1940035589445133/?t=112
