Mediat greke kanë publikuar një video në të cilën pretendojnë se 35-vjeçari Kostandinas Kacifas mundohet t’iu fshihet uniformave blu pas sulmeve të tyre.
Pamjet në video janë të turbullta, pasi janë filmuar brenda një lokali, por ajo çka duket qartë, janë arma në dorën e tij dhe zhurma (rrebesh) të shtënash.
Në këto pamje shihet qartë momenti kur Katsifas mundohet t’i shpëtojë sulmit të policisë, ndërsa ai gjuan me armë por nuk është e qartë se në drejtim të kujt.
NGJARJA
Ngjarja ndodhi ditën e dielë kur Kostandinas Kacifa nisi të qëllonte me armë zjarri në ajër, duke shkaktuar panik tek banorët e zonës, të cilët ishin mbledhur në qendër për të festuar festën e Greqisë, e cila si çdo vit po organizohej edhe në këtë fshat.
Menjëherë në drejtim të vendit nga vinin të shtënat shkuan shërbimet e Policisë të cilat ishin të dislokuara në qendër të fshatit pasi do zhvillohej aktivitet me rastin e festës së Greqisë.
Burime zyrtare nga policia bënë me dije se shtetasi Kostandinos Kaçifa pasi ka parë shërbimet e policisë që po afroheshin në drejtim të tij ka hapur zjarr me breshëri ndaj punonjësve të policisë duke rrezikuar jetën e tyre. Pas kësaj nisi aksioni i policisë për ta kapur të riun, i cili duke qenë se nuk pushonte së gjuajturi me armë ndaj bluve, këta të fundit e qëlluan me armë në kraharor për të ndaluar sulmin.
https://youtu.be/VPIoUMtjcOc
