Komisioni i Venecias do të marrë në shqyrtim nismën e opozitës për Vetting në politikë.
Në takimin e fundit të Këshillit të Legjislacionit, opozita nëpërmjet deputetit Ervin Salianji, paraqiti qëndrimin e saj mbi konsultimet për vetingun në politikë.
Të thirrur në konsultë ishin shoqatat e biznesit, të cilët ishin dakord me këtë nismë të opozitë. Pas paraqitje së argumentave nga ana e Salianjit, deputetja Vasilika Hysi bëri me dije se komisioni i Venecias ka kthyer përgjigje se do ta shqyrtojë në dhjetor. E gjithë kjo periudhë do përdoret për të bërë konsultimin publik.
”Propozimin e PD-së e shohim me shumë interes që të implementohet, mundësisht nga e gjithë klasa politike, thuhej në deklaratën e tyre.
Javën e ardhshme në konsultim me Këshillin e Legjislacionit do të jenë organizatat ndërkombëtare.
