Të tjera detaje dalin në dritë nga mega-operacioni ‘Vol-Vo 4’, ku u arrestuan 34 persona, ndërkohë që më pas 10 prej tyre u lanë të lirë.
Mësohet se mes personave të arrestuar, që u la në burg sërish nga Gjykata e Krimeve të Rënda, është edhe Paulin Simoni, asistent-arbitër i Superiores.
Mësohet se ky i fundit dyshohet se ka qenë pjesë e grupit të ish-deputetit Arben Ndoka, ndërsa akuzohen për abuzimet me tokat në zonën e ‘Ranës së Hedhun’.
Kujtojmë se një tjetër trajneri i kombëtares së femrave, Armir Grima, u arrestua pak kohë më parë, pasi rezultonte si i përfshirë në bandën e Bajrave. Ndërkohë, në operacionin e këtyre ditëve u arrestuan edhe dy ish-deputetë të PS-së Arben Ndoka dhe Arben Çuko.
