Një 31-vjeçar ka ndërruar jetën në spitalin e qytetit ndërsa end enuk ka një përgjigje të qartë për shkaqet e vdekjes së tij. Marinel Veleshnja ka ndërruar jetë 30 minuta pasi ka mbërritur në spital ndërsa dyshimi i parë ka qenë se i riu ishte në gjendje overdoze kur ka mbërritur në spital. Familjarët e tij, kanë denoncuar në polici mjeken Arjola Xheblati për ‘mjekim të pakujdesshëm.’
Ndërkohë që edhe drejtuesit e spitalit kanë thënë se Veleshnja ka shkuar në spital në gjendje të rëndë dhe pa shenja jete.
Pas denoncimit të familjes, policia e Beratit dhe uniformat blu të kësaj drejtorie kanë sekuestruar kartelën mjekësore të të riut, si edhe autopsinë që është bërë në morgun e spitalit.
Çështja është referuar në prokurori, ndërkohë që kanë nisur hetimet për zbardhjen e plotë të rrethanave të ngjarjes.
