Banesa e një tregtareje është vjedhur në Korçë.
Burime nga Policia Vendore, saktësojnë se vjedhja ka ndodhur rreth orës 15:00 në lagjen nr. 17, në afërsi të unazës së qytetit dhe banesa i përkiste tregtares Lina Qerollari.
Mësohet se vjedhja e banesës ka ndodhur, kur në të nuk kishte njeri. Lina Qerollari se bashku me dy fëmijët merrej prej vitesh me trageti. Prej saj janë marrë një sasi e konsiderueshme parash.
Policia shkoi në vendin e ngjarjes, por ende nuk ka rënë në gjurmët e autorit të mundshëm të kësaj vjedhje.
NJOFTIMI I POLICISE:
Më datë 24.10.2018, shtetasja E. Q., 43 vjeçe, banuese në lagjen nr 17 në Korçë, ka bërë kallëzim ku ka deklaruar se rreth orës 15:00 kur është kthyer në banesën e saj, ka konstatuar vjedhjen e një shume të konsiderueshme lekësh.
Grupi hetimor në vendngjarje po punon për zbardhjen e rrethanave të ngjarjes, identifikimin e kapjen e autorëve.
