Prej ditësh, Flori Mumajesi është kthyer në kryefjalën e mediave rozë, pas disa thashethemeve (sepse ende asgjë nuk është bërë zyrtare), se ai ka lënë shtatzënë pornostaren shqiptare Alby.
Ishin burime për emisionin “SevenBizz”, të cilët konfirmonin se aktorja e filmave për të rritur Alby Rydes, pret një fëmijë me Mumajesin. Pornostarja shqiptare, me banim në Amerikë, po pret një vajzë dhe është në javët e fundit të shtatzënisë.
Ky ishte një lajm i cili nuk pritej dhe dyshimet shtohen më shumë, kur nuk ka reagim nga të dyja palët. Nëse hedhim një sy në profilin zyrtar të të dyve, ata e ndjekin njëri tjetrin.
Flori ka zgjedhur të mos reagojë lidhur me këtë gjë, ndërsa Alby ka postuar në Instastory një shkrim ku shkruan ‘Çfarë dreqin?’ së bashku me një të qeshur të gjatë. Ndoshta pornostarja këtë postim e ka bërë për të ironizuar këto lajme, por kjo ende mbetet për tu parë me siguri në vijim./(K.Balliu/Droni.al)
