Janë zbuluar detaje të reja për laboratorin e drogës në Has.
Sipas BalkanWeb, mësohet se porositësi i lëndës narkotike të laboratorit të Hasit, ishte grupi i Avdylajve, apo të njohur ndryshe si të fortët e Shijakut.
Nga të dhënat e para, dyshohet se Lul Berisha ka marrë përsipër trafikun e drogës. Sasia e drogës, e cila do të bëhej gati në laboratorin e Hasit kishte si destinacion final tregun e Gjermanisë.
Të arrestuar për veprat penale ”Prodhimi dhe shitja e narkotikëve”, ”Trafikim i narkotikëve”, në bashkëpunim në formën e posaçme të grupit të strukturuar kriminal dhe organizatë kriminale, si dhe pastrim i produkteve të veprës penale janë 18 persona.
