Një ngjarje e rëndë ka ndodhur në Itali, ku një shqiptar ka ndërruar jetë si pasojë e një aksidenti.
Viktima është një 18-vjeçar. Mësohet se ai ka ndërruar jetë në orët e para të ditës së sotme në Pistoi të Italisë, si pasojë e një aksidenti me motor.
Nga të dhënat të bëra të ditura mësohet se viktima është shtetasi Kledis Gixhari 18-vjeç.
Aksidenti
Ngjarja ndodhi në orën 3:30 të mëngjesit. Gixhari ndërroi jetë pasi motori me të cilin ishte duke udhëtuar së bashku me një mikun e tij u përplas me kangjellat e një banese, ndërsa pasagjeri tjetër ka mbetur i plagosuri.
Gixhari përplasi kokën fort në tokë duke vdekur në vend.
I plagosuri është shtruar në spital dhe ndodhet jashtë rrezikut për jetën, ndërsa policia është duke vijuar hetimet për zbardhjen e plotë të shkaqeve të ngjarjes.
