Në një deklaratë për mediat, Lulzim Basha është shprehur se të gjitha arrestimet e aksionit të fundit, ishin për të kapur peshqit e vegjël dhe për të shpëtuar peshkun e madh.
Sipas tij, gjithë operacioni i djeshëm, është një shkatërrim i dosjes për të shëptuar kryetarin e bashkisë së Durrësit, Vangjush Dakon.
Pjesë nga deklarata:
“Vangjush Dako kryesori, të tjerët janë peshq të vegjël për të shëptuar peshkun e madh të kësaj dosje Vangjush Dakon dhe për të shkatërruar prova të tjera.
Kjo është një nga dosjet që ka marrë përsipër të shkatërrojë Donika Prela. Ngjarjet e djeshme janë pjesë e skenarit për prishjen e dosjes. Peshqit e vegjël do lirohen, akuzat do lehtësohen. Është pjesë e skenarit të prokurorisë.
Duke iu servirur opinionit publik dhe partnerëve ndërkombëtarë disa peshq të vegjël të mbyllet hetimi për Dakon dhe për të paktën 4 deputetë të tjerë socialistë.
Përpjekje propagandistike për ta shfryrë dosjen Dako me arrestimin e disa peshqve të vegjël ose të ngordhur. Nuk paragjykoj asgjë dhe po bëhett gjithçka për ta shkatërruar këtë dosje. Kjo është pikërisht, për të mos e arrestuar Vangjush Dakon.
Rama, Xhafaj dhe Prela po përpiqen të shkatërrojnë hetimin për Vangjush Dakon.”
