Fill pas largimit nga posti i Avokates së Shtetit, Alma Hicka pritet të marrë një detyrë tjetër në sistemin gjyqësor por ndërkohë nuk reshtin akuzat ndaj saj për abuzime përgjatë ushtrimit të detyrës. Sipas burimeve të besueshme ajo do të shkojë në Gjykatën e Lartë në një detyrë të rëndësishme. Vendi i saj eshte marre nga nje person qe vjen nga zyra e Kryeministrit Rama, Artur Metani.
Portali Pamfleti ka publikuar disa të dhëna që lidhen me abuzime të Hickës.
Më poshtë pjesë nga shkrimi:
Ja 3 fakte konkrete, nga pazaret, hajdutëritë dhe abuzimet e Alma Hiçkës
- Nga auditimi mbi përzgjedhjen e studiove ligjore të huaja për mbrojtjen e Shtetit shqiptar, në gjyqet ndërkombëtare, me dy kompanitë e huaja “AAGL” dhe “EFT”, përzgjedhja e këtyre studiove është bërë pa garë dhe personalisht nga titullarja Alma Hicka, në kundërshtim me Ligjin nr. 10198, datë 10.12.2009 dhe VKM nr. 392, date 08.04.2009 dhe u janë dhënë 3 milionë e 740 mijë euro më tepër me letra për shërbime false.
- Në lidhjen e këtyre dy kontratave të tjera, me avokatë të huaj, në vlerën 2 milionë e 340 mijë euro, rezulton në kundërshtim të plotë, me Ligjin nr. 8438, datë 28.12.1998 “Për tatimin mbi të ardhurat”, ku rezulton se janë zhdukur 351 mijë Euro, tatim fitimi (TVSH).
- Nga auditimi mbi vlerësimin e realizimit të aktivitetit për vitin 2016 të Avokaturës së Shtetit, pranë gjykatave shqiptare në nivel kombëtar, janë inskenuar qëllimisht, 3 “humbje” gjyqesh, me biznese të lidhura me pushtetin, me zyrën avokatore të burrit të Alma Hickës dhe, sponsor, miq e familjarëve të shefave të PS, PD e LSI.
Nga këto gjyqe të “shitura” prej Alma Hickës, ose “hinkës” së korrupsionit qeveritar, arkës së shtetit, i janë zhvatur 694 milionë e 431 mijë lekë, ndërkohë, që në 12 raste të tjera të inskenuara për humbje, vlera është 4 miliardë, 629 milionë e 540 mijë lekë, të marra padrejtësisht, nga Alma, studioja private avokatore e saj dhe ata, që i derdhin në xhep, 30% -in e çdo vlere.
Nesër, do të publikojmë një skandal të rëndë, pazar tipik hajdutëror mafioz me vlerë sa koncesioni i Hemodializës, që Alma Hicka e Arben Ahmetaj, me “porosi” të Edi Ramës, po bëjnë me një studio ligjore italiane, ku është aksioner Ëngjëll Agaçi (Anxhelo Agacio), shefi i gjithë pisllëqeve, që po bëhen prej 5 vitesh, në “moçal-pushtetin” e instaluar prej Edi Ramës.
