Blogeri Nuseir Yassin ka vazhduar me videot promovuese të Shqipërisë. Ai ndodhet në Shqipëri dhe po eksploron vendin dhe nëpërmjet videove 1 minutëshe, ai nxjerr më të mirat.
Këtë radhë ai është ndalur tek fjala Besa, e cila për popullin shqiptar nuk është veçse një fjalë, por është vlerë e cila është trashëguar brez pas brezi. Në këtë video promocionale përmendet roli i Shqipërisë, gjatë Luftës së Dytë Botërore, ku shqiptarët refuzuan të dorëzonin hebrenjtë tek nazistët, duke rrezikuar edhe jetën e tyre.
Në këtë video, del dhe presidenti Meta, i cili e përshëndet duke treguar se shqiptarët janë vendi i Nënë Terezës.
Ai ka postuar videon e blogerit në rrjetin e tij social ‘Facebook’ duke shkruar:
Falenderoj video-blogerin izraelit Nuseir Yassin për promovimin e shkëlqyer të Shqipërisë. “Besa” është një nga elementët thelbësore të karakterit dhe shpirtit tonë kombëtar, që i identifikon shqiptarët dhe Shqipërinë si një shembull qëndrese, bashkëjetese dhe harmonie ndërfetare”.
https://www.facebook.com/nasdaily/videos/2006496849640852/
