Ish-ministri Ylli Manjani i është referuar sjelljes së kryeministrit Rama mbrëmjen e djeshme në emisionin ‘Dritare’ ku Rama sulmoi gazetarët.
Manjani, në një postim në fb, Manjani kujton se shpifja ka qenë pjesë e Kodit Penal në Shqipëri deri në vitin 2012,duke e kaluar në një çështje që trajtohet në kuadër të Kodit Civil, siç është edhe aktualisht.
Manjani shton se për boshatisjen e këtyre neneve në kodin penal bashkoi votat edhe opozita e Ramës dhe për ti mbushur sërish këtij të fundit i duhen 84 vota, të cilat nuk i ka.
Ish-Ministri i Drejtësisë ironizon edhe OSBE-në për kalimin në heshtje të këtij propozimi.
Reagimi i plotë
Besoj e patë dhe mbrëmë se në ç’armiqësi patologjike gjendet sot Kryeministri me lirinë e shprehjes.
Që nga koha e arrestimit të Aleksandër Frangajt e Martin Lekës, nuk kishim parë një sulm të tillë ndaj gazetarëve!
Megjithatë, sa për informacion këto nene të Kodit Penal janë bosh. U boshatisën në vitin 2012 edhe me votat e Partisë së Kryeministrit.
Ishte një nisëm e OSBE dhe e mbështetur nga BE dhe KoE. Synimi ishte i qartë: Askush nuk mund të ndëshkohet pse mendon, beson dhe shpreh ato që mendon për qeverinë dhe shtetin.
Armiku patologjik i lirisë së shprehjes, do ti mbushë prap këto nene, që janë aty që prej kohës së Enverit!
Vetëm se i duhen 84 vota…
Të fala shumë OSBE, në qoftë gjallë!
