Kreu i Opozitës është nisur drejt Brukselit për të marrë pjesë në samitin e partive popullore evropiane, për Ballkanin Perëndimor.
Lulzim Basha do të takohet me liderë të partive të djathta evropiane.
Një pjesë e axhendës së tij do ta zënë diskutimet për situatën poltike dhe denoncimi i lidhjeve që qeveria ka me krimin e organizuar.
Pak më herët, kryeopozitari mbajti një deklaratë nga selia blu nga ku i kërkoi prokurorisë t’i heqë imunitetin kreut të Grupit Parlamentar të PS-së, Taulant Balla si dhe arrestimin e Drejtorit të Përgjithshëm të Policisë së Shtetit, Ardi Veliu dhe vartësit të tij në policinë e Fierit, është nisur për në Bruksel.
Ndërsa, opozitarët e tjerë të ndodhur në Bruksel braktisën mbledhjen e komisionit të përbashkët Ndërparlamentar Shqipëri-BE në Bruksel, për shkak të prezencës së Taulant Ballëssi drejtues i delegacionit shqiptar, duke kërkuar përjashtimin e tij.
NënKryetari i delegacionit nga opozita Genc Pollo më herët kishte kërkuar fjalën teksa Taulant Balla ishte duke mbajtur deklaratën përballë të pranishmëve. Drejtuesja e Komisionit nuk i dha fjalën Pollos, ndërsa ky i fundit bashkë me përfaqësuesit u larguan nga salla.
