Ajo kaloi një gjendje të vështirë emocionale pas vdekjes së ish-të dashurit të saj.
Madje anulloi shumë prej koncerteve të saj dhe u kërkoi njerëzve që e bezdisnin me komente fajësuese ta linin rehat.
Bëhet fjalë për këngëtaren Ariana Grande e cila papritur 2 muaj më parë shpalli fejesën me Pete Davidson. Por, çifti i ka dhënë fund kësaj fejese, sipas TMZ.
Ata thuhet se u ndanë gjatë fundjavës, duke pranuar se thjesht nuk ishte koha e duhur për marrëdhënien e tyre edhe pse të dy akoma ndjejnë dashuri për njëri-tjetrin.
Nuk dihet nëse arsyeja e këtij vendimi është vdekja e ish-të dashurit Mac Miller me të cilin këngëtarja qëndroi për gati dy vjet e lidhur. I riu vdiq nga overdoza dhe të shumtë kanë qënë ata që kanë fajësuar Granden për këtë vdekje, me motivacionin që i riu nuk përballoi dot ndarjen.
