Katër fëmijët e Kujtim Koxhës, autorit të masakrës në Mat, bashkë me vëllezërit e tij, kanë lënë fshatin Shëlli të Matit nga frika e një gjakmarrjeje.
Sipas burimeve mediatike, në banesën e ish-kryeplakut të fshatit ndodhet vetëm gruaja, e cila ruhet nga forca policore pas mbrojtjes që u vendos për këtë familje.
Ndërkohë, mësohet se nga policia ruhet edhe vëllai tjetër i Kujtim Koxhës, i cili jeton në Mamurras.
Koxha ditën e sotme u njoh me masën e sigurisë ‘burg me arrest’, ku nga seanca 30 minuta, ai nuk foli, por pranoi krimin.
Koxha u mori jetën 3 personave dhe plagosi u plagos një tjetër, pasditen e 11 tetorit në fshatin Shëlli të Matit. Shkak i krimit të 3-fishtë u bë rruga e fshatit Shëlli, ku punonjësit e Bashkisë po kryenin punime.
Nga breshëria e plumbave Mentor Hoxha ndërroi jetë në vend, ndërsa Erzen Aliaj dhe Hamit Buçi vdiqën në spital. Ndërkohë i plagosur mbeti kolegu i tyre, Astrit Hani, i cili mori dy plumba në kofshë, ndërsa ndodhet jashtë rrezikut për jetën.
