Mënyra më e thjeshtë për tu zgjedhur kryetar i komunës ka funksionuar për këta dy kandidatë. Kryetari i ri i Komunës në një qytezë të izoluar në Peru u zgjodh me shorteun ‘kokë a pilë’.
Kjo sepse dy kandidatët në fund të procesit të numërimit të votave dolën me pikë të barabarta.
Mediat vendase shkruajnë se në rajonin e Ica-s (jugperëndim) u mbajtën zgjedhjet mes Wilbert Estrada, i partisë së qendrës “Nisma Popullore” dhe Javier Gallegos të Lëvizjes “Rajonale të Punës për Modernizim”, ku ky i fundit humbi pasi monedha vendosi për Estradën.
Secili prej tyre mundi të marrë 102 vota nga një total prej 347 vota të vlefshme të mbledhura në zgjedhjet lokale të 7 tetorit.
Dy kandidatët e tjerë mundën të fitojnë pjesën e mbetur të votave.
Kjo zgjedhje e pazakontë u zhvillua në publik, në ambientet e Komisionit Special Zgjedhor të rajonit Ica. Monedha u hodh nga komisari i policisë së qytezës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
