Vendimi i qeverisë për të mbyllur pikat e basteve është përshëndetur nga kryetari i Bashkisë Erion Veliaj.
Mesa duket më i lumtur për këtë vendim është kryebashkiaku i cili i ka dedikuar dhe një postim në Twitter kryeministrit Rama, duke e përgëzuar për këtë nismë.
Qeverisja e @ediramaal i ka sjelle sh të mira këtij vendi e më mirë se unë për këtë do flasë historia! Ama ndalimi me ligj i pikave te basteve e kazinove, është vendimi me fisnik e i guximshëm ne dobi te familjeve shqiptare! Mezi pres Janarin 2019 e @BashkiaTirane pa baste”, shkruan Veliaj.
Rama dy ditë më parë, paralajmëroi mbylljen e tyre deri në fund të Dhjetorit, ndërsa urdhëroi mediat që të mos lejojnë transmetimin e reklamave me një ultimatum.
Ja çfarë tha Edi Rama për mediat:
“Bastet e kazinotë elektronike do të dalin jashtë ligjit në 31 dhjetor. Ama çdo reklamim i tyre në çdo lloj media, është i jashtëligjshëm. Portalet që kanë ende reklama të tilla t’i heqin vetë se ndërkohë po punohet për mbylljen e tyre! Mos kemi llafe për lirinë e shtypit pastaj
”.
