Ministrja e Drejtësisë shkarkoi nga detyra Enrik Sulejmanin, i cili mbante postin e Kreut të Policisë së Burgjeve. Në sqarimin e shkaqeve, ministria shpjegonte se shkarkimi erdhi si pasojë e hezitimit të ish-drejtorit për të transferuar, të plagosurin nga ngjarja në ish-bllok Ervis Martinaj, në spitalin e burgut.
Deputeti i PD, Gent Strazimiri ka reaguar lidhur me shkarkimin në rrjetet sociale.
Sipas tij, Sulejmani është shkarkuar për herë të dytë.Sipas Strazimirit Enrik Sulejmani ka qenë i shkarkuar në vitin 2013 për shkak të dekriminalizimit, falë edhe presionit të opozitës dhe është emëruar sërish në krye të Policisë së Burgjeve.
Këtu deputeti ka një dilemë. Si u rimor në punë drejtori për shkak të dekriminalizimit dhe që është dënuar më parë për trafik qëniesh njerëzore?
Postimi i plotë
Enrik Sulejmani shkarkohet per here te dyte!
Si u rimor në punë drejtori i shkarkuar për shkak të dekriminalizimit, pas presionit të opozitës në vitin 2013?!
Me Rilindjen, rilindin të gjithë; kriminelë që bëhen deputetë apo që kur nuk bëhen dot vetë, bëjnë baballarët deputetë.
Por rilindin edhe të tjerët pas tyre, e shembulli më i fundit është Drejtori i Përgjithshëm i Policisë së Burgjeve Enrik Sulejmani, ish i burgosur për trafikim qëniesh njerëzore kur kryente detyrën e shefit te komisariatit në Rinas në vitin 2003, që u largua nga detyra pasi Rilindja e emëroi Drejtor të Pergjithshem te Policise se Burgjeve ne vitin 2013!
Ministrja e Drejtësisë, e paska rishkarkuar nga detyra, sepse i krijoi favore të arrestuarit Evis Martinaj, te cilin nuk pranoi ta transferonte nga spitali privat ne spitalin e burgjeve!
Po si u rikthye ne të njejtën detyre nga ku ishte shkarkuar 5 vjet me pare Enrik Sulejmani?
Kush e propozoi per te njejten detyre ish te arrestuarin per trafik qeniesh njerezore Enrik Sulejmani?
Kush e emeroi perseri Drejtor te Pergjithshëm të Policise se Burgjeve Enrik Sulejmanin?
