Tekstet shkollore tashmë kanë futur dhe emrin e reperit ‘Noizy’.
Askush nuk do ta kishte menduar që teksa shfleton librat, të dalë dhe emri i reperit të njohur shqiptar, duke ditur që Noizy gjithmonë këndon në emrin e ‘djemëve të këqinj’.
Ka qenë vetë këngëtari ai që ka publikuar një foto në Instastoryn e tij, teksa shihet që nxënësit duhet të plotësojnë vendin bosh, ku thuhet se ai është reperi më i mirë në Shqipëri.
Nuk shihet qartë se cilës klasë i përket teksti shkollor po me siguri plotësimi i vendeve bosh iu takon klasave fillore.
Nuk dihet ende sesi prindërit do ta presin këtë gjë, ashtu sikurse nuk kuptohet pse Ministria e Arsimit ka preferuar të japë këtë shembull.
Noizy dhe gjithë lista e këngëve të tij, flasin për drogën, vrasjet, sherret dhe padyshim kjo mund të shtojë radhët e pakënaqësisë në vijim.
