Një ngjarje e rëndë ka ndodhur në Serbi. Dy të rinj shqiptarë janë rrahur brutalisht vetëm sepse ata flisnin shqip me njëri tjetrin.
Ky informacion vjen nga deklarata e Zyrës së Bashkësisë të Shqiptarëve në Serbi. Sipas asaj që shkruajnë mediat kosovare, ngjarja ka ndodhur natën e së shtunës,ku dy të rinjtë shqiptarë G.B. dhe Ç.M, të lindur më 1999, janë sulmuar pa asnjë preteks nga një grup i panjohur prej katër personave.
Lugina-Lajms shkruan se Ç. M, ka dëmtime të rënda: frakturë në kokë dhe gjakëderdhje në tru. Për momentin, ai ndodhet në operativën e Qendrës Klinike të Vojvodinës dhe është në rrezik për jetën.
I riu tjetër gjithashtu ka plagë të rënda, por jeta e tij nuk është në rrezik, sipas deklaratës së ZSHS.
Zyra e Bashkësisë së Shqiptarëve në Serbi ka dënuar ngjarjen si dhe u ka bërë apel autoriteteve të hetojnë për të zbuluar autorët në mënyrë që të marrin dënimin e merituar.
Megjithate ZBSHS falënderon qendrën e Mjeksësisë shëndetësore në Novi Sad në ndërhyrjen e shpejtë, si dhe mbështetjen e dhënë, sidomos ekipin e mjekësisë urgjente të cilët ishin në detyrë, pranë Qendrës Klinike të Vojvodinës.
