‘Gati të përballem me ligjin për dëshmitë e mia’, kërkesa e Xhisielës për politikën dhe median

Xhisiela Maloku është e vendosur të përballet me ligjin deri në fund, për ti dalë zot dëshmive të saj të rreme, sipas saj.

Në një prononcim për gazetën Shqiptare, e reja i kërkon politikës dhe medias të mos merren më me të, por t’ia lenë këtë çështje në dorë, vetëm prokurorisë.

Ajo vazhdon të hedhë poshtë akuzat se e kanë kërcënuar para se të jepte intervistat në dy televizionet më të mëdha në vend. Gjithashtu, përsa i përket jetës së saj private, ajo ka kërkuar që të mos e gjykojnë duke nisur që nga rrobat e deri tek arsyet e xhelozisë të cilat e detyruan ta kallëzojë në polici, djalin e deputetit Rrahman  Rraja.

Më poshtë keni të shkëputur një pjesë të deklaratës së saj:

“Në radhë të parë i bëj thirrje të gjitha mediave mos të merren më me mua, kjo çështje tashmë i takon prokurorisë! Gjithashtu i lutem dhe politikes të na mbaje jashtë kësaj çështje si mua dhe Rexhepin sepse policia ka bërë detyrën e saj kur unë e bëra kallëzimin. E bëra sepse ndodhi një zënkë mes nesh nga inati dhe xhelozia arrita deri aty, por kjo s’ka të bejë me politikë. Këto janë gjërat tona personale, nëse doni të bëni politike hajde merruni me deputetin në fjalë, me Z. Rrahman Rraja por duke pasur parasysh që ai është një njeri i drejtë po merren ça bën djali i tij që tashmë është 24 vjeç duke më përdorur dhe mua.

Ju lutem mjafttt! Gjendja ime psikologjike është rënduar akoma më shumë me arrestimin e Rexhepit duke e ditur si është e vërteta dhe që unë nuk jam dhunuar apo përdhunuar siç është shprehur Emiljano Nuhu kjo gjë më bën të ndihem keq! Uroj që çdo gjë të shkoj në vend dhe unë jam e gatshme të përballem me prokurorinë për dëshmitë e mia! Sepse herën e fundit kur jam thirrur në prokurori kam pasur një keqkuptim kur më është bërë pyetja po për dhunën a e pranon? Kam thënë s’jam gati të flas për këtë por ato e kanë marrë që unë e pranoj. Pikërisht aty ka qenë momenti që unë të tregoja të vërteten por kam qenë e paqartë!”

/DRONI.al/