Policia e provincës së Romës në bashkëpunim me policinë kufitare të aeroportit të Fiumicinos kanë arrestuar një çift shqiptar të sapo martuar që po transportonin përmes aeroportit të Romës drejt Tiranës, 5 kg kokainë.
Çifti shqiptar është vënë nën pranga me akuzën e trafikut ndërkombëtar të drogës.
Ngjarja
Cifti shqiptar ishte kthyer nga udhëtimi i mjaltit në Brazil. Policia ka ngritur dyshimet teksa ka vënë re sjelljen jo normale të tyre qysh në pyetjet e zakonshme gjatë kontrollit të dokumentacionit.
Gruaja ka rrëfyer menjeherë se është shtatëzënë duke shfaqur ekografinë e fëmijës e duke u shprehur se është në rrezik dështimi për të larguar vëmendjen e policisë kufitare.
Menjëherë policia ka vijuar me kontrollin e valixheve të çiftit. Brenda tyre janë gjetur fshehur disa pako me rreth 5 kg kokainë e pastër.
Sipas autoriteteve italiane kjo sasi drogë do të sillte përgatitjen e mbi 100 000 doza kokainë me vlerë përfitimi me mbi 2 milionë euro.
