Heshtja e kryeministrit Edi Rama për ngjarjen e Fushë Krujës është prova që tregon se kryeministri nuk ka guximin të pranojë të vërtetën e përfshirjes së socialistëve të tij në krim.
Deputeti Strazimiri nga selia blu e ka nisur kështu deklaratën para mediave, teksa vazhdon të thotë se ish-nënkomisari Emiljano Nuhu u kërcënua me pistoletë në kokë brenda komisariatit të policisë që të ndalte përballjen e ligjit të djalit të deputetit të Ramës.
Deputeti thotë se këto 11 ditë i kanë shërbyer Edi Ramës të vejë në punë makinerinë e propagandës së tij për të shpifur 4 alibi për Taulant Ballën, që prej inagurimeve deri tek dalja për peshk ditën e 21 Korrikut.
Ai ndalet tek kamerat e policisë duke shtruar pyetjet se çfarë tregojnë pamjet e tyre dhe pse Rama hesht dhe nuk kërkon zbardhjen e tyre.
”Kush po e detyron kryeministrin të bëjë memecin, ku aty janë 8 kamera që funksionojnë? pyet ndër të tjera deputeti Gent Strazimiri.
https://www.facebook.com/partiademokratike/videos/309737426517154/?notif_id=1538650907234952¬if_t=live_video
