‘Nobel’-i për Paqen, çmimi shkon për aktivistët kundër dhunës seksuale në luftë

Çmimi Nobel i Paqes 2018 është dhënë për dy aktivistët kundër përdhunimit në luftë, për Nadia Murad dhe Denis Mukwege.

Murad është një irakaine, e cila u torturua dhe u përdhunua nga militantët e Shtetit Islamik dhe më vonë u bë fytyra e një fushate për lirimin e popullit jazidi.

Z. Mukwege është një gjinekolog nga Kongo, i cili, së bashku me kolegët e tij, ka trajtuar dhjetëra mijëra viktima.

Rreth 331 individë dhe organizata ishin të nominuara për çmimin prestigjioz të paqes këtë vit.

Fituesit e shpallur në kryeqytetin norvegjez Oslo të premten fituan çmimin për “përpjekjet për t’i dhënë fund  dhunës seksuale si një armë lufte”.

Çifti fitues dha një kontribut vendimtar në përqendrimin e vëmendjes dhe luftimin e këtyre krimeve të luftës.

Kush është fituesja?

Murad për tre muaj u përdor si një skllave seksuale në duart e militantëve të Shtetit Islamik (IS). Ajo u ble dhe u shit disa herë dhe iu nënshtrua abuzimit seksual dhe fizik gjatë kohës së robërisë së saj.

Ajo u bë një aktiviste për popullin jazidi pas arratisjes nga IS në nëntor 2014, duke bërë fushatë për të ndihmuar në dhënien fund të trafikimit njerëzor dhe duke i bërë thirrje botës që të ndërmarrë nisma ndaj përdhunimit si një armë lufte.

/DRONI.al/