Kryeministri Edi Rama do të paditet në Prokurori. Ndonëse janë shumë ngjarje për të cilat kryeministri është akuzuar( duke marrë në konsideratë ngjarjen e fundit kur Rama mbron deputetët dhe policinë) nuk dihet akoma se cila mund të jetë ajo ngjarje e cila do të kerkojë ndjekjen penale të tij.
Partia Demokratike dhe Lëvizja Socialiste për Integrim do të padisin në prokurori kryeministrin Edi Rama.
Burime zyrtare nga PD bëjnë me dije se dy forcat opozitare kanë gati dosjen dhe padia do të dorëzohet në orën 11:00.
Kryetaret e grupeve parlamentare Edmond Spaho dhe Petrit Vasili do të shkojnë tek Prokuroria e Tiranës për të bërë publike më vonë dhe padinë penale kundër Edi Ramës.
