Katër shtetas janë arrestuar nga policia brenda 12 orëve të fundit. Mësohet se dy prej tyre janë arrestuar për dhunë ndaj grave dhe dy të tjerë për aksidentet me pasojë vdekjen e dy personave.
Policia e Dibrës në njoftimin e saj bën me dije se ka arrestuar konkretisht:
• Ervin Pali, 24 vjeç, banues në Tirane, pasi në banesë, ka ushtruar dhunë psikologjike dhe fizike ndaj bashkëshortes së tij shtetases M.P, 20 vjeçe. Vepra penale “Dhunë në familje” .
• Veli Ndoj, 38 vjeç, banues në Burrel, pasi në banesë ka ushtruar dhunë psikologjike dhe fizike ndaj bashkëshortes së tij, shtetases S.N, 24 vjeçe. Vepra penale “Dhunë në familje”.
• Foni Snalla, 34 vjeç, banues në Bulqizë, pasi në aksin rrugor Shupenzë-Bulqizë, duke drejtuar mjetin tip “Benz”, ka aksidentuar shtetasin K.K, i cili ka humbur jetën. Vepra penale “Shkelje e rregullave të qarkullimit rrugor”.
Nuredin Kurti, 58 vjeç, banues në Klos, pasi Prokuroria pranë Gjykatës së Shkallës së Parë Mat, ka urdhëruar ndalimin e tij, për veprën penale, “Shkelje të rregullave të qarkullimit rrugor”, parashikuar nga neni 290/3, i Kodit Penal, pasi ky shtetas duke drejtuar automjetin e tij ka aksidentuar shtetasen B.K, 56 vjeçe( e cila kjo shtetase pasi ka dalë nga spitali, pas aksidentit të ndodhur, ka humbur jetën në banesë gjatë ditës së djeshme).
Materialet proceduriale do të referohen në Prokurorinë pranë Gjykatës së Shkallës së Parë Dibër dhe Mat, për hetime të mëtejshme.
