Pas deklaratës së presidentit të Ilir Metës gjatë një interviste, ka reaguar ish-ministri Ylli Manjani.
Meta gjatë intervistës, u shpreh se marrëveshja e detit me Greqinë duhet të kalojë pas krijimit të Gjykatës Kushtetuese.
Sipas Manjanit, kjo deklaratë është shqetësuese, sepse presidenti nuk ka pse të presë Gjykatën Kushtetuese për të denoncuar proceset e negociatave.
Presidenti, sipas Manjanit,si përfaqësues i unitetit të popullit, duhet thjesht ta denoncojë këtë farsë dhe produktin e saj anti kombëtar.
Autorizimi (Plotfuqishmëria) është detyrë kushtetuese e Tij, jo e Gjykatës, dhe Manjani thotë që nuk pse të fshihet pas Gjykatës.
Reagimi i plotë
Është shqetësuese deklarata e Presidentit të Republikës që:”marrëveshja e detit me Greqinë të kalojë pas krijimit të Gjykatës Kushtetuese”…
Presidenti si kryetar i shtetit, nuk ka pse të presë Gjykatën Kushtetuese për të denoncuar një proçes fallco negociatash, totalisht të diktuar nga qeveria Greke!
Ai proces diktati, i pranuar paturpësisht nga Qeveria jonë, ka prodhuar një draft marrëveshje dhe një hartë skandaloze që është shkëmbim i pastër territori.
Jepet shelf continental për të marrë ujë me kripë!!
Presidenti, si përfaqësues i unitetit të popullit, duhet thjesht ta denoncojë këtë farsë dhe produktin e saj anti kombëtar.
Në vijim Ai duhet të na sigurojë se nuk do të autorizojë nënshkrimin e asaj marrëveshje, pavarësisht ka apo jo Gjykatë Kushtetuese!
Autorizimi (Plotfuqishmëria) është detyrë kushtetuese e Tij, jo e Gjykatës.
Ndaj ska pse të fshihet pas argumentit (jo të pa drejtë) që ska gjykatë, por të garantojë popullin Shqiptar që sdo lejojë shkëmbim territori me Greqinë!
Kaq i kërkohet të bëjë!
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
