Nga selia blu, deputeti Enkelejd Alibeaj, deklaroi se Edi Rama po përdor gjithë makinerinë e propagandës që askush të mos flasë për denoncimin e ish-oficerit Emiljano Nuhu, i cili denoncoi përfshirjen e mbrojtësve politikë në krim.
Sipas deputetit, sot është fakt se nuk ka asnjë veprim ligjor të asnjë organi shtetëror për të vërtetuar se banda e Ballës, Rrajës dhe Bushit, në 21 Korrik kanë qenë në komisariatin e Fushë Krujës.
Të gjitha organet janë vënë në dijeni të kërcënimit të Nuhut, por zgjedhin të heshtin. Për këtë gjë, as nuk janë pyetur policët e tjerë për të zbuluar prova të reja dhe faktuar ngjarjen. Sipas deputetit, kjo ndodh vetëm se po punohet për të fshirë gjurmët e krimit.
Deputeti thotë se Taulant Balla i ka kërkuar Ardi Veliut, fshirjen e gjurmëve të provave dhe regjistrimin e kamerave që provojnë praninë e Taulant Ballës, Rrahman Rrajës dhe Artur Bushit në Policinë e Fushë Krujës.
Ministri i Brendshëm është në dijeni të plotë të këtij operacioni, për fshirjen e provave dhe nuk ka ndërhyrë për ti dhënë kohë që ti shkatërrojnë ato.
Detyra e Ramës dhe organeve të tij, sipas deputetit, është ti tregojë publikut çfarë u bë me kamerat e Policisë së Fushë Krujës dhe rrotull saj./K.Balliu
https://www.facebook.com/partiademokratike/videos/252090208786496/?notif_id=1538565152448805¬if_t=live_video
