Avokatja Eni Çobani u shoqërua ditën e sotme në komisiariatin e policisë Gjirokastër, pas një denoncimi për kërcënim nga qytetarja Rudina Islamaj.
Shkaku ishte një konflikt verbal, që më pas degjeneroi edhe në përplasje fizike, në seancë gjyqësore që po zhvillohej sot, mes Eni Çobani, si avokate e shtetases Merushe Makri dhe ish nuses së djalit të saj, të resë, Rudina Islamaj.
E gjitha historia ka nisur në minutat e para të seancës në gjykatën e Apelit në Gjirokastër, ku Eni Çobani akuzon Rudina Ismailajn, se është futur me çimka në sallë dhe se duhej të kontrollohej.
Pas seancës kjo e fundit ka deklaruar se do të kallëzojë Eni Çobanin pasi sipas saj ndihet e kërcënuar.
Ka qenë kushërira e gruas së re, Islamaj, e cila ka denoncuar kërcënimin që i është bërë asaj nga Eni Çobani.
“Eni Cobani është shprehur se nga ‘une nuk do të shpëtosh kurrë deri sa unë të jem gjallë”- ka thënë ajo ne adrese te nuses, raporton Panorama.
Kërcënimi vjen si pasojë e një konflikti të nisur që më 10 prill të vitit 2016 në rubrikën“Shihemi në gjyq” të emisionit e “E diela Shqiptare” në TV Klan.
Vjehrra e Islamajt, pretendon që është rrahur dhe nxjerrë nga banesa prej ish-nuses së saj. Konflikti në familjen e tyre nisi në momentin që nuk mund të paguanin dot një kredi 70 milionë lekëshe të marrë nga nusja dhe djali i zonjës Merushe.
(*Në videon e mëposhtme keni mundësinë të dëgjoni debatin në E diela Shqiptare lidhur me këtë histori për tu njohur më shumë).
